| | |
04-02-2008, 10:49 AM
| رقم المشاركة : 1 (permalink) | ||||||||||||||
|  تلاوة كاهن ....للفراعنه قصيدة ناصر الفراعنه السبيعي في الحلقه 15 من مسابقة شاعر المليون التي استحق من خلالها البيرق لروعة الابيات وجودتها تـلاوة كاهـن أو نفـث قـاري = بصدري يوم أجر الصوت ساري أدنـــــدن دن دن دن دن دن = مثل ما دنـدن الدنـدان جـاري على ربـع كبطـن الكـف قبـرُُ= حلقه من الـذواري مـوس ذاري كأن الريح فيـه اوحـوش غـاب =تحاور في حشى صدري حـواري كأن جبـال سلمـى دون سلمـى=هنا واهنـاك انيـاب الضـواري شعى شاعي شعى شايـع شعاهـا= شعاعـاً مـا يباريهـا مـبـاري شعـى شيـع قراشيـع شعثهـا=إلى شعشع سبيـب مـا تمـاري الا يالله طلبتـك ثــم طلبـتـك=سحاب من حياظ الخلـد جـاري تزبـر ثـم تعبـر ليـن غـبـر=وحبر ماطـره وسـط الخبـاري تجلهـم ثـم تدلهـم ثـم أكلهـم=بمر باري بـرى باريـه بـاري يحوف الشمس لين الشمس تصغر=شوي شوي مثل عين البخـاري إلى أن يختفي فـي ثـوب نـوه=جذب طاريه اهـل درم السمـاري مزونـه مزنـة ومزنـة ومزنـه=جـواري حاكـم تتلـو جـواري بروقه في فتوقـه مـن تشوقـه=يلاعبهـا بأطـراف الشـبـاري شهب مشهاب ضـوٍ او شهـاب=شهب شباب اشهب برق عـاري رعوده كـل مـا نقـض جعـوده= قنيـب اذيابـة وسـط الغـداري صدى اصواتها فـي كـل ضلـع=تلاميـذ تـردد خلـف قــاري تحارش ثم تهارش ثـم تكـارش=خطارش غيمته من غير طـاري تطش الرش حش القاعش حـشُ=يرش ولا ينـش ولـه مـواري تغـاريـق همـاريـق بـريـق=بباريـق ترقرقـهـا عـصـاري لقبـل ثـم وبـل ثــم سـبـل= وطبل تحسبه يصـرف مصـاري ولا جـل البـرد وبلـه وهـلـل= و كـلّ مـاء يالماشـي حـذاري محاذيـف البـرد كبـر الجماجـم= واصغرها مثـل روس الحبـاري كأن القوس من قـزح علـى أول= ظهور اول ظهيـر شبـه نـاري سنى شفـق بـه برمـق تدلـى=سويعة مغرب من فـوق صـاري سحـاب جعـل ربـي لا ومربـه=يعـم ابـه اليمانـي والنـزاري ويسقى كل اهل شبـه الجزيـرة= تهامـة والحجـاز ونجـد داري وأبو ظبـي ووادي العيـن منـه= تغـار لحسنـه جـزر الكنـاري عساه فوق قبـر الشيـخ زايـد= مئة ليـل وهـو سكـاب جـاري قبر زائد ومن هـو مثـل زايـد= و أفعالـه تغنيـهـا القـمـاري ملك بالطيب كـل قلـوب شعبـه= بحب وخير واسلـوب حضـاري حمل شعبه علـى كتفـه إلـى أن= تباكوا لـه بأطـراف الصحـاري سقى الله ضحكتك يا ابو خليفـه=.فلا زلت اعذب الأحبـاب طـاري
آخر تعديل عبدالله الحضبي يوم 04-02-2008 في 11:00 AM. | ||||||||||||||
|
|  |
|
04-03-2008, 09:28 PM
| رقم المشاركة : 3 (permalink) | |||||||
| سنايدي
| |||||||
|
| |
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
