----------------
وبعفويه الكلمه بتطلع
بمنعهاش
لما بتطلع مني الكلمه
برجعاش
لو منعوها كل العالم
ما بينفعشي
أصل الكلمه لما بتطلع
مابترجعشي
أصل كلامي مش ع الفاضي
والمليان
ولا حكيوه عايز أحكيها
للنعسان
ولا فزوره ملهاش حل
ولا حدوتة قبل النوم
أصل كلامي ساعات بيوجع
واللا أقولك
وجع الكلمة أصعب
من وجع النبوت
أصل أنا عارف
كل كلامي مش ع الكيف
لكن يا ابني الكلمه بتقتل
زي السيف
خدها نصيحه
وحلقه فى ودنك
لو تخاف متتكلمش
ولاتحبسشى
كلامك ياابني
وقول متخفش
عبر عن وجعك وهمومك
ما اتفكرش االناس هاتلومك
لو كان صح
وأمشى الصح
وقول الصح
متخليش الكلمه توارب
لو مش عاجب ميهمكش
قول اتكلم قول متخفش
خللي كلامك يدوي يسمع
كل الكون
يمكن يسمع منك واحد
فى المليون
تبقا نجحت
تبقا الكلمه وصلت يا ابني
خلاص لصحابها
واتريحت
قول مااتخفش 0
--------------------------
شعر احمد ابوحج
شاعر صحفى
سيناء 0
الإهداءات
03-29-2008, 10:19 AM
قول متخفش 
العرض العادي
