طــــــــــلاســــــــــم
تصدق نظرتك تسحر وتذبح وانت ماتـدري = لو ان عيونك تناظر عيونك شفـت برهانـه
لقيت الموت منك لك عذاب(ن) يذبحك بدري = وتعذر لهفة البحار الا من شـاف لـه دانـه
عشقتك عشقة الالحان بصوت النايح القمري =تمايل بالطرب يسجع الا مالـت بـه البانـه
عشقتك ياغريم الشوق اتبع نظرتك واجـري = ترى ما موحشه تذهل فهيم(ن) ضيّع اشجانه
تناظرني وانا وقفت ووضعي بالفعل مـزري = اصد بناضري عنك ورمشك مطلـق عنانـه
عجزت آترجم النظره طلاسم تشبه العـذري = تذيب بداخلي وجد(ن) وحب(ن) ضاع عنوانه
سواة الّي بوسط الموج خذاه المد والجـزري = يصيح ولانفع صوته وفجأه وقـف السانـه
هويتك انت ياغافل تـدري او ما....تـدري = وجيتك للامر راضخ مركـب وانـت ربانـه
الابيات السابقه من اغاني فتى نجران وجرت المحاوره عليها
وهذا رد الشاعر علي الريثي
والا ياللي ترك شقح الركايب للهوى تسري = ولد شاعر وأخو شاعر وله قـدره وميزانـه.
ترانا نرقب إبداعك ونطلـب نصّـك الشعـري = وراعي القافيـة يقطـف لنـا مسبـوك قيفانـه.
مدام الله عطاك الموهبة والمنطق السحري = فشيّـد قصـرك العالـي وثبّـت موقـع إركانـه
وهذا ردي
هلا بك ياخوي وارحب تراحيب الهوى العصري = انـا لـولاك ماحبـري كتـب رنانـة الحانـه
تحث الموهبه تبدع وهي باسلوبهـا الفطـري = تعزك وانت في زرعه عواطف عـود ريحانـه
انا لو قدوتي غيرك بشعـري ماكتـب حبـري = خناجر تنحر الحاسد وتفنـي ساحـة اوطانـه
وانا من معجزات الريث اعلم بالذكـا صبـري = انا تلميـذ يالريثـي عشقـت اشعـار رنانـه
سرح من باكرة يومه وفكـره بالوفـا فجـري = يبي يلحق دروسك له وشرحك يلجـم احزانـه
وهذا رد الريثي
وألا يـا فـالـك التوفـيـق والريـحـان والعـطـري = وألا ياللي على بيض الفعايل مسـرج حصانـه.
لبست التاج والمشلح وأنـا فـي ثوبـي المـزري = أصــارع مـوجـك الـهـادر بتصـويـره وتبيـانـه.
مودتـكـم حفظـنـاهـا مـــن الـبـيّـاع والـمـشـري = تشربهـا الجسـد والـروح حتـى تطـرح أكفانـه.
نصبت القافيّة لأجلك كنصب البيرق المصـري = بحرب [أكتوبر] اللي ضيعت [دايان] وأعوانه
وهذا ردي
لقيتك باقي النشمـي هـذاك الّـي علـى خبـري = ودمع الشعر بالفرحه يشـوف كفوفـك احضانـه
انـا لامنّهـم ساقـوا مدامعهـم علـى قـبـري = بتبقـى رايـة الحاكـم رسالـة شـوق ولهانـه
اشوفك في الكرم حاتـم وفيمـا تكتـب البصـري = وشعرك حرف جدلاني وصمتـك شيّـخ انسانـه
شعاع الشمس في فجري وفي ظهري وفي عصري = يكرر ماضـي آآلامـي حضـارة حـظ غلطانـه
انا في داخلي حالـه تـرد الصمـت فـي نحـري = وانا غبني قتل فينـي صبـر صبـري وميزانـه
وانا والله يبو يحـي قصـدت الشاطـي البحـري = ولامن شفت لـي دانـه نطقـت الشعـر دندانـه
وهذا رد محمد امناع
سلام الله عدد من قام يرقب ليلة القدري=
عدد من صام ثم صلى عدد آيات قرآنـه
عدد نجم السما والرعد والبراق والبدري=
عدد نو السما والسحب والغيمة وهتانـه
على صوتٍ سرا يضوي ينورليلنا الغدري=
وجاوبه الصدى بالدر والياقوت وجمانـه
كأني في بحورالهول والأسحارمن حدري=
واجاوبها على الطاروق يادانه علم دانـه
وهذا رد الساكتي عبدالله
هلا مرحب سلام الله عداد الغيـم والزهـري= بروح الشعر وانفاسه شبـاب وكـل شيبانـه
عذوبة شعركم تروي خفوق يحضنه صـدري = شعاع انوارها يسـري يضـوي درب تبانـه
هلا بغيث السما الهمال ونشوات الهوى العذري = وقصة سابق الأسلاف سـراج نـور ازمانـه
انشهد والحرف يشهد ياطلة كوكبـي الـدري = بيوت اشعاركم ترقى نجوم في سمـا اكوانـه
رفيعه عن طلاسم شعر بها طرق اللحن يسري = حروف احساسكم منبع روية شعـر جزلانـه
بهاكم من بهاها ابهـا بـلا رفـع ولا جـري = هجوس اطيافكم ديمة تمسـي البيـد رويانـه
وهذا ردي
هلا بالبارق اللامع سواة الدر فـي شعـري = هلا بالساكتي مرحـب عـدد ماهـل هتانـه
اشوف الشعر من تاجه تباهى ثوبه المغـري = يبادل بالطرب ناس(ن) تشل الصوت طربانه
وانا لامن بغيت اسمع سمعت المبدع المقري = قلم يكتب من ابداعه حروف توازن اطنانـه
وانا بالشعر عشت انسى ظروف الهم يافقري = اناظر في الغني واضحك على اني مثل خلانه
سلام الله على الشاعر وعلمه بالوفا مطـري = على ذاك الكريم الّي دفن في صمته اضغانه
وهذا رد الساكتي
اخيـل الشعـر ياربعـي لـه كرلـه فـري = مثل خيل الوغى تقبل اميره صـدر ميدانـه
اخيله بحر فوق ابحور وخير في وسط شري = ألمه مثل لمة ريش في هبة ريـح شعبانـه
طيوفي ملت اشعاري معد بعد العنا شكـري = تغير كل ماحولي صـدوقِ كثـروا عدوانـه
افر من الشعر تقبل مشاعر في دمي تجري = يشل لثام صمتي البوح وتبقى الروح وجعانه
وهذا ردي
رسمت العالم الثاني بدايـة منتهـى فكـري = سواة الّي بغى يكتب عبـاره والقلـم خانـه
اشوف الماضي الحاضر وعمر ايامي الهجري = سما تمطر على نبتي صواعق شعر هيمانـه
ولا ياساكتي ونعم على تعبيـرك العصـري = كلامك في الشعر سطوه ترد الخيـل بعنانـه
وهذا رد الزمزمي
جذبني الشعر و اصحابه وحلق في سما فكري=

لسان الشعر يطربني و صوت الطرق و الدانه

ونظم القاف يسحرني وفي جوفي سرى بدري =

يناجي صادق احساسي ويقطف زهر بســـــتانه

و انا من لوعتي ساهر وليلي ما عرف فجري =

عيوني في مدامعها على الأحباب غرقـــــــــانه

عسى الأيام تجمعنا ويبرى جرح في صدري =

و اشوف الغالي الغايب و انام بوسط أحضانه
وهذا ردي
هلا يالزمزمي وارحب عدد ما حلق الوكري = على شم الجبل يرقى وعينه عين شيهانـه
وانا يالزمزمي وقتي خذا مني فرح يسري = سريت آآعانق الغيمه وعين الشعر عميانه
بمعنى لاسقى ربي زمان العيد في عسري = ولايسقي حياة (ن) سلمتني الدمع والوانـه
وانا باقي على ذلك اردد بالثنـاء شكـري = لرب (ن) قدّر اقداره علي والنفس فرحانه .
والسلام ختام والمجال مفتوح للمساجله

شكرا لك على الابداع يابو يحيى
تقبل مروري وتقديري

العفو على الامتاع ياحضبي

بالفعل استمتعنا
وكلما تاتي به فهو من سمان القصيد

لك تقديري

بيض الله وجهك (ياعبدالله الساكتي ) بياض الشمس والقمر و1000 شكر على التنسيق الرائع ايها المبدع.

مرورك ( يا فايع) يعني لي الكثير كما قلت سابقا ولاتبخل علينا في المحاوره لك الشكر الجزيل

.
.
.

مساجله في غاية الروعه والجمال
الله يعطيكـ العافيه على هالنقل الممتع
وصح الله لسان كل من ابدع بهذه الردود
وتقبل .. ارق .. التحايا .. يالغالي
تحيتي