أسجل حروفي مـع زود الإعجـاب
وأزرف المكتوب في سجـة البـال
وأراسله من غير حب ولا عتـاب
وأدوره في كـل ممسـى ومقيـال
ناس تجاملها وهم عنـدك أغـراب
وتضيق نفسك كل ما أزعلت رجال
ماهمني في الناس صادق وكـذاب
يكون عود ما على راسـه عقـال
أدرى عن المنقود من يومني شاب
وأساير من الناس ذربين الأفعـال
وأجمع شتات الزمن لأنفتـح بـاب
وأداري جروحي عن هروج الأنذال
ماخذت من الدنيا ثمن صفحة كتاب
وأعاني الفرقا على مـرَ الأجيـال
والحمد لله ماخـذ بكـل الأسبـاب
وأشيل حملي دون راعـي وجمـال
ياعزتي للـي تنقـد مـع أقـراب
يدنون همٍ ضاقـت بشيلـه اجبـال
والطيب له من يكسبه عند الأجناب
طلق الحجاج ومكسبه منك فنجـال
وأنا أحمد اللي حطني عند الأنساب
ضيف عزيز وعلمنا ما بـه جـدال
أشتقـت لأيـام بعيـدات واقـراب
وأشتقت لأرض تتعب الشوف لاطال
وأشتقت لأخواني وهم عندي أحباب
وأشتقت للي مابعد لبسـوا شيـال
وأشتقت للجمعه مع بـرزة النـاب
وأشتقت لعيالـي مـع كـل مـوال
ياعيني فكفي عن دموع الأهـداب
الصابر اللي ياخذ الحـق بإجـزال
وأنا صبرت وصبري اليوم ماخـاب
ويعزني ربي عـن النـاس بريـال
ماكل سوق فيـه شـاري وجـلاب
وما كل شـي لـو تمنـاه ينطـال
وإن جتني الزلـة فلاهـي بتنعـاب
بير قعيـر وحـدَه الجـال للجـال
قالولي إن الحق يوخـذ بمشعـاب
والحق عندي كلمة الصدق تنقـال
أما تعاهدني علـى حـلَ الأنشـاب
ولاتوادعنـي وأنـا اليـوم رحَـال
مافادت دموع الولـد عنـد شيَـاب
ولا نفعني صمتي وشـوف الأزوال
فياوجد حالي راحوا طوال الأشناب
وأنا عزاي اف قرب شيبان وأخوال
وإن كان محد حط لي عنده حساب
فيهمني عـود ولا يلبـس عقـال
محمد بن مهزاع
الإهداءات
02-18-2008, 01:06 PM
زود الاعجاب 
العرض العادي
