إحصائية العضو

 

الله أكبر يامقاديرٍ تحوم=مابقى من ديرةٍ ماجيتها
كن قلبي في قدم رجلي محزوم=كل ماحطت قدم شليتها
جعل يسقى لنقضى مني اللزوم=و حجةٍ في ذمتي حجيتها
وكل ماهبت على راسي سموم=زرت مكه و أعتمرت أبيتها
مديٍ حق الشريعه والسلوم=و الفروض اللي علي صليتها
لاشـــكيت الحال لعيال الرخوم=ولا فضت يدي ولا مديتها
أتوطى الارض وعيني للنجوم=و الدروب اللي أبي سجيتها
إن لقيت الهايفه نفسي تزوم= و إن لقيت النايفه ذبّيتها
أستحي من شرهة الناس القروم=أو تشك بحاجةٍ سويتها
و اتحاشى لاتجي بعض العلوم=بكلمةٍ عيب علي لبديتها
لاحياه تدوم ولا عمرٍ يدوم=مايدوم إلا بقايا صيتها
خلقت الدنيا تبي رجل عزوم=شاربٍ من حلوها وحلتيتها
والمراجل لو تجي بحب الخشوم=كان أنا أول واحدٍ حبيتها

إحصائية العضو

 

إحصائية العضو